كلكم حلوين والنظرة بريئه .. يشهد الله ما نوى قلبي خطيّه
كلكم حلوين ومين فيكم اناظر .. القمر ولا العيون المستحيّه
شوفكم دنياي يا وجدي عليكم .. جلسةٍ معكم على قلبي هنيّه
بالرجا محتار تلعب بي ظنوني .. من يعاتبني ومين يعطف عليّه
خوفي يبعدني وشوقي شد قلبي .. بين هاك الزين وقلوبٍ خليّه
انتظرت وطال صبري من يناظر .. الزمان اعطا ولا جتني العطيّه
خوفي الأيام تبعدني ولا اقدر .. ما اشوف من الهوى غير الاسيّه
ينتهي حظي على ذكرى الليالي .. لا أمل يبقى ولا دنيا وفيّه